ମୁଁ କେବେ ଗାଈ କେବେ ଘାସ
କେବେ କେବେ ମୁଁ
ଦୁଇ ଭାଗରେ ବାଣ୍ଟି ହୁଏ l
ଉପର ହିସ୍ସା ଗୋଟେ ଗାଈ
ଯିଏ ସହର ସାରା ଘାସ ଖୋଜିଖୋଜି
ହତାଶ ହୁଏ ଆଉ
ସଞ୍ଜ ନଇଁବା ଆଗରୁ
ପଲିଥିନ,କାଗଜ,ଖାଇ
ପେଟ ଭରି ଦିଏ
l
ତଳ ହିସ୍ସା ପାଲଟି ଯାଏ
ରାସ୍ତା କଡର ଘାସ,
ଯିଏ ଦିନ ସାରା
ସଭିଙ୍କ ପାଦ ତଳେ ଦଳି ହୁଏ
ରାତି ସାରା କାକର ପିଉ ଥାଏ l
ସକାଳ ହେଲେ ପୁଣି
ଉଠି ଠିଆ ହୁଏ l
କେବେ କେବେ ମୁଁ
ଦୁଇ ଭାଗରେ ବାଣ୍ଟି ହୁଏ
ଉପର ହିସ୍ସା ଗୋଟେ ଗାଈ
ଆଉ ତଳ ହିସ୍ସା କଅଁଳ
ଘାସରେ ବଦଳିଯାଏ
By ମାଧବ ଚନ୍ଦ୍ର ଜେନା (Madhab
Chandra Jena)
No comments:
Post a Comment